Në një kohë kur sot aplikohet për herë të parë taksa për Rrugën e Kombit, Kukësi ka paralajmëruar protesta.
Kuksianë, qytetarë nga mbarë vendi, përfaqësues të shoqërisë civile do të mblidhen sot në qendër të Kukësit në orën 11:00, në shenjë kundërshtie për taksën në fjalë.
Aplikimi i taksës nisi që në mesnatë, ndërsa kompania koncensionare bëri me dije se procesi ka nisur pa probleme.
Në dispozicion janë vënë dy sportele, ndërsa për banorët e Kukësit janë dy të tilla. Kujtojmë se banorët lokalë e kanë tarifën të reduktuar, 100 lekë me TVSH.
