Me tone të larta, kryeministri Edi Rama ka sfiduar gazetarët dhe shqiptarët se nëse zgjedhjet zhvillohen në këto momente, PS do të fitojë thellë.
“Nëse zgjedhjet bëhen sot ne marrim më shumë mandate se sa kemi sot” – tha Rama në emisionin “Opinion” të kësaj të enjteje.
Rama citoi edhe ish-kryeministrin Berisha që “me Ramën në pushtet opozita nuk vjen dot në pushtet”, por harroi të shtonte edhe pjesën tjetër “sepse Rama po qeveris në kushtet e grushtit të shtetit”.
Pjesa e fundit e emisionit ka qenë mjaft e tensionuar pasi Ramës i kanë kujtuar deputetët e prekur nga dekriminalizimi për të cilët ai tha se nuk mbante asnjë përgjegjësi. ©LAPSI.al
