Pas kaosit të shkaktuar në Prokurorinë Pranë Gjykatës së Shkallës së Parë për Krime të Rënda të Tiranës është përcaktuar grupi i prokurorëve që do të përfaqësojnë në gjykim çështjen e Emiljano Shullazit, Gilmando Danit, Endrit Qyqjes, Endrit Zelës dhe Blerim Shullazit. Njoftimi është bërë nga prokuroria që u përfshi nga një amulli për shkak të largimit të prokurorëve të mëparshëm, Elisabeta Imeraj dhe Ened Nakuçi.
Emrat gjithsesi nuk janë bërë të ditur, por kjo çështje shkaktoi thuajse shkrirjen e prokurorisë së Krimeve të Rënda, pasi 10 prokurorë morën masë disiplinore, ndërsa 3 prej tyre u transferuan nëpër rrethe.
Gjithsesi emrat e prokurorëve nuk janë publikuar deri në seancën e radhës së kësaj çështjeje gjyqësore. Më herët, Ened Nakuçi, prokuror i Krimeve të Rënda u largua jashtë vendit me justifikimin se është sëmurë, ndërsa ambasadori amerikan deklaroi se ky prokuror është kërcënuar nga Shullazi.
