Sikur të mos mjaftojnë rezultatet zhgënjyese për Red Bull Lejpzig shtohet edhe mungesa e përqendrimit. Por ndoshta ky është edhe shkaku që skuadra gjermane nuk po befason më.
Ralf Rangnick ka pranuar se brenda dhomave të zhveshjes ka disa probleme sjellje: “Para ndeshjes me Salsburgun ndodhën gjëra që nuk mund të ndodhin. Nëse do ta dija më parë, nuk do të kisha futur në lojë disa persona. Është tregues përse disa lojtarë nuk ishin gati për ndeshjen”.
Cështja shpërtheu të enjten dhe është absurde. Ndërsa skuadra po ndërrohej në dhomat e zhveshjes pak minuta nga fillimi i ndeshjes me Salsburgun, Jean-Kévin Augustin e Nordi Mukiele nuk ishin me pjesën tjetër të shokëve. Të dy u kërkuan në të gjithë impiantin dhe u gjetën në pankinë. Kishin kufjet në vesh dhe celularin në duar, duke mos kuptuar se skuadra ishte futur në dhomat e zhveshjes.
Për shkak të sjelljes së tyre Lejpzig doli me dy minuta vonesë në nxemje dhe për këtë arsye do të gjobiten. Dy lojtarët luajtën shumë keq dhe Mukiele, është zëvendësuar që në fund të pjesës së parë.
