Inter fiton përsëri duke mbyllur një javë spektakolare me tre fitore mes kampionatit e Champions, të gjitha të fituara në minutat e fundit. Edhe kundër Fiorentinës në San Siro zikaltrit imponohen në fund të ndeshjes, ndonëse këtë herë D'Ambrosio nuk priti minutat shtesë, por realizoi golin e 2-1 në të 77.
Spalletti mund të jetë i qetë por jo shumë, skuadra e tij vuan gjatë ndeshjeve dhe merr fitoren vetëm në fund. Por mund të mos jetë gjithnjë kështu.
https://cdnja.r.worldssl.net/mp4/av/aV32.mp4
Kapiteni Icardi tërheq Interin në një ndeshje të rëndësihme. Argjentinasi vazhdon të shënojë me rregullsi kundër Fiorentinës, edhe pse këtë herë duhet ndërhyrja e Var për ti dhënë mundësinë Icardit të shënojë nga pika e bardhë.
https://cdnja.r.worldssl.net/mp4/zo/zO9L.mp4
Lojë kurajoze e skuadrës së Piolit, që mendoi se mund të bënte më shumë pas golit të dytë në dy ndeshje të Federico Chiesa. Vetëm se tekniku nuk i kishte bërë llogaritë me D'Ambrosion që është lojtari më i mirë i ndeshjes, duke vrapuar kilometra të tëra me intensitet. Ia del mirë në fazën difensive dhe pastaj vendos ndeshjen 13 minuta nga fundi, pikërisht në momentet e preferuara të zikaltërve për të marrë rezultat.
https://cdnja.r.worldssl.net/mp4/an/Ankr.mp4
STATISTIKAT
Inter nuk fitonte dy ndeshje radhazi në kampionat që nga muaji prill.
Mauro Icardi ka shënuar 11 gola kundër Fiorentinës në Serie A - Viola janë viktima e tij e preferuar.
Me 11 gola Icardi është shënuesi më i mirë i Inter kundër Fiorentina në Serie A.
Icardi ka shënuar në 10 nga 11 penalltitë e fundit në Serie A.
Kishte që nga janari 2017 kundër Chievo që Icardi nuk shënonte e jepte asist në të njëjtën ndeshje në Serie A.
Inter ka shënuar katër gola në 15 minutat e fundit të lojës, më shumë se cdo skuadër tjetër në këtë kampionat.
Kishte që nga janari 2017 që Federico Chiesa nuk shënonte në dy ndeshje radhazi të kampionatit.
Tre humbje e një barazim në katërt transfertat e fundit të kampionatit për Fiorentina.
Prezenca numër 100 për hollandezin De Vrij në Serie A.
