Në letrën e dorëheqjes së tij, por edhe në dëshminë që ka dhënë me zë dhe figurë, nënkomisari i policisë, Emiljano Nuhu tregon ndër të tjera se u largua nga Shqipëria pasi deputeti Rrahman Rraja kishte porositur vrasjen e tij tek Durim Bami, një personazh i njohur i botës së krimit. Konflikti i oficerit të policisë me deputetin kishte lindur pasi djali i këtij të fundit përdhunoi një vajzë. Në vend që të arrestohej, me ndërhyrjen e babait të tij dhe zyrtarëve të tjerë të PS-së, u ushtrua presion tek polici për të mos marrë denoncimin, ndonëse kishte një dëshmi të vajzës. Më poshtë pjesë nga letra e Emiljano Nuhut.
‘Më datë 12.09.2018, kam marrë informacion nga rrjeti im sekret që deputeti Z.Rrahman Rraja, ka kontaktuar me shtetasin Durim Bami dhe i ka kërkuar që të më ekzekutojë, pasi unë po i hapja shumë probleme dhe po e dëmtoja politikisht deputetin. Ai është shprehur që me kaq probleme që më ka hapur oficeri Emiljani Nuhu, unë nuk shkoj dot në Parlament. Shtetasi Durim Bami e ka marrë përsipër ekzekutimin tim. I gjetur në kushte të tilla, i lënë në dorën e fatit nga shteti u largova menjëherë dhe për sigurinë time dhe të familjes kërkoj të lirohem nga Policia e Shtetit” shkruan Nuhu në letrën drejtuar e tij të dorëheqjës.
©LAPSI.al
