Gjashtë gola në pesë javë me Genoa (duhet ende të luajë kundër Milan) nuk janë aspak keq për një debutues në Serie A. Krzysztof Piatek në një muaj ka pushtuar Genoan, por më e bukura vjen tani. "Pistoleri" erdhi surprizisht në Liguria, por me golat e tij (duhet patur parasysh edhe katër në Kupën e Italisë kundër Lecce, askush si ai në Europë) është gati ti bëjë tifozët e Grifonit të ëndërrojnë. Të paktën për këtë sezon, duke qenë se mbi të janë hedhur sytë e të gjithë skuadrave të mëdha të Kontinentit të Vjetër.
E para që ka trokitur në portën e Preziosit, ishte Juventus, që është gjithnjë e kujdessshme kur bëhet fjalë për të rinj premtues. Për momentin është vetëm një kontakt sinjalizues, asepse jemi vetëm në fillim të sezonit e cdo aksion më konkret do ishte jo produktiv për të gjithë. Por ndërkohë, bardhezinjtë kanë bërë të ditur interesin e tyre për 23 vjecarin polak.
Presidenti Preziosi për momentin nnuk ka asnjë mendim për të nisur një tratativë, por është koshien se është një rast i artë. Ka blerë nga KS Cracovia një lojtar për 4 milionë euro e i është 5-fishuar vlera në pak javë. Shumë shpejt do të nisë një ankand për Piatek, që do ti kalojë kufijtë e Italisë, sepse për të janë të interesuar edhe Bayern Mynih dhe Chelsea.
