Një i ri është vrarë mbrëmjen e së dielës në Dibër. Mësohet se viktima është me iniciale I.Z, rreth 25 vjeç.
I riu është plagosur me thikë në rrethana ende të pa qarta. Ai është transportuar për në spital, por rrugës ka ndërruar jetë.
Një hetim ka nisur për zbardhjen e rrethanave të ngjarjes si dhe identifikimin e autorit apo autorëve të krimit.
Policia e Dibrës thotë në një njoftim zyrtar se fillimisht mori informacion se në njësinë administrative Arras ishte plagosur me mjete prerëse një 25-vjeçar.
“I dëmtuari ka humbur jetën rrugës për në spitalin e Peshkopisë. Grupi hetimor vijon hetimet në vendin e ngjarjes. Shërbimet e Komisariatit të Policisë Dibër, mbështetur nga forcat policore operacionale të Drejtorisë Vendore të Policisë Dibër, kanë ngritur pika kontrolli, dhe po hetojnë intensivisht për zbardhjen e ngjarjes, identifikimin dhe kapjen e autorit/ëve” – thuhet në njoftim. ©LAPSI.al
