Ishte një ndeshje delikate, kundër një kundërshtari që kishte bërë mirë, e për më tepër në shtëpinë e tyre. Po të llogarisësh që Milanit i mungonte edhe Higuain, atëherë për Gennaro Gatusso duhet të ishin të sikletshme 90 minutat kundër Sassuolos.
E në fakt kështu ishin me debutimin e Castillejo e deri në minutën e 39 kur Kessie shënoi golin e parë të ndeshjes. Golin që liroi mekanizmat e Milanit, duke e bërë që pjesa e dytë të kthehej në goleadë.
https://cdnja.r.worldssl.net/mp4/nm/nm4z.mp4
Ndoshta vetë tekniku Gatusso nuk e kishte menduar se do të bëhej kaq e thjeshtë, por për këtë një pjesë e madhe e meritës i takon Suso. Sulmuesi i krahut shënoi dy gola, krijoi raste për të tjerët dhe nuk dha pika referimi. Pikërisht lëvizjet që duhet të bëjë në cdo ndeshje, e megjithatë Susso zgjodhi ndeshjen e duhur për ta bërë: atë ku mungonte Higuain.
https://cdnja.r.worldssl.net/mp4/66/663b.mp4
Nuk është problem për kuqezinjtë, që luajnë me shumë më tepër përgjegjësi dhe shkojnë në gol edhe me qendrën alternative. Castillejo realizoi golin e tretë, duke e lënë Sassuolon të dorëzuar në mendësi.
https://cdnja.r.worldssl.net/mp4/ob/ob4k.mp4
Djuricic me golin e shënuar nuk mundi ti fusë në lojë vendasit, sepse diferencat kanë qenë të dukshme dhe me 9 pikë e një ndeshje për të rikuperuar kuqezinjtë po kthehen në zonën e lartë të renditjes.
https://cdnja.r.worldssl.net/mp4/pw/PWoG.mp4
