Televizioni Report TV, që prej ditësh është vënë në syrin e ciklonit jo vetëm nga anatemimet e liderve të opozitës, por edhe nga reagimet në rrjetet sociale, ka vendosur të përgjigjet sot për akuzat se u shërbeu përdhunuesve të Xhisielës. Kur disa ditë më parë gazetari që braktisi Londrën për qëllime fisnike, M... Veliu e mori vajzën 25-vjeçare në intervistë, ai nuk i bëri asnjë pyetje për ta ballafaquar atë me ato që kishte deponuar në polici. Asnjë të vetme. Dhe kjo qe arsyeja e kundër reagimeve gjaknxehta.
Por sot, Report TV ka shfrytëzuar dy intervistat e saj në 'Open' dhe 'Opinion' për të bërë një shkrim të gjatë që mbërrin në këtë konkluzion: "...Ato) tregojnë, në mënyrë të qartë që Report TV, bëri para të tjerëve, të njëjtën punë gazetareske, por me dy ndryshime të rëndësishme: Nuk i dorëzoi kuriozitetit të publikut fytyrën e vajzës, duke pranuar ta intervistojë me kurriz dhe nuk bëri inkuizitorin mbi episodet e dhunës siç u pa mbrëmë. Vajza kërkoi haptazi të mos fliste në publik për dhunën e pësuar, kërkesë të cilën Report TV pranoi ta respektojë. Dhuna ndaj Xhisielës është e faktuar nga aktet hetimore dhe nuk u takon gazetarëve, me pyetjet e tyre edhe shumë private të tentojnë ti faktojnë, e duke detyruar viktimën që t'i rrëfejë publikisht".
Lexo më tej nga Lapsi.al:
Zbulohet prova/ Manipulimi i dytë i dëshmisë së vajzës së përdhunuar
Pra atë që nuk bëri gazetari M...Veliu, pra as minimumin e punës së tij, të krahasonte versionin e deponimeve që vajza ka dhënë me alibinë që ajo po paraqet në publik, në editorialin e tij Report TV, e konsideron qëndrim etik. Etik ndaj kujt, ndaj pushtetit?
Pikërisht këtë version kanë dhënë Lulzim Basha, Sali Berisha që e quajtën intervistën e M... Veliut si ekzekutimin e dytë të vajzës dhe Monika Kryemadhi që akuzoi Report TV se vajzën ia kishte sjellë në studio banda e Rahjave, duke e detyruar të hynte në televizion.
Por në editorialin e sotëm, ku i ka quajtur Vasilin dhe Fevziun si gazetarë kamikazë, Report TV nuk ka gjetur asnjë justifikim për faktin se të njëjtin qëndrim mbajti edhe në 29 korrik kur ngjarja u denoncua për herë të parë. Ai botoi i pari alibinë se Xhisiela nuk ishte përdhunuar, por qe e shqetësuar për shpifjet e Berishës.
©LAPSI.AL
