Një atentat i organizuar ndaj bosit të lojërave të fatit, Ervis Martinaj, është mbyllur me një të vrarë dhe dy të plagosur mbrëmjen e djeshme në Tiranë. 36- vjeçari Martinaj, ka mbetur i plagosur nga një plumb që e ka goditur në qafë.
Ndërsa bodigardi i tij, Fabian Gaxha, i cili i ka dalë para në momentin që ka parë atentatorin, ka mbetur i vrarë pasi është goditur në kokë dhe në trup me pistoletë. Nga të shtënat ka mbetur i plagosur rëndë edhe miku i Ervis Martinajt, shtetasi Eljon Hato, i cili, sipas mjekëve të Spitalit të Traumës, ndodhet në gjendje kritike për jetën, pasi ka plagë të rënda në organet e brendshme.
Vrasja në bllok/ Kush janë dy grupet që u përplasën për Elvana Gjatën
Dinamika e vrasjes/ Çfarë ndodhi lokalin ku grupet u përleshën për Elvana Gjatën
Ngjarja ndodhi rreth orës 21:50, në ambientet e një lokali në pronësi të biznesmenit Redi Popesku, në zonën e ish Bllokut. Policia mbërriti menjëherë në vendin e ngjarjes, por ndërkohë atentatori kishte arritur të largohej. Policia dyshon se ai mund të jetë larguar me motor, me ndihmën e ndonjë personi tjetër, pasi në kohën kur ndodhi ngjarja, rruga ka qenë thuajse tërësisht e bllokuar nga trafiku.
Forca të shumta policie rrethuan për orë të tëra vendin e ngjarjes, ndërsa të tjerë sekuestruan serverët e kamerave të sigurisë pothuajse në të gjitha bizneset rreth vendit të ngjarjes.
Po kush është Ervis Martinaj
Martinaj është konsideruar si një nga të fortët e Tiranës, i dyshuar për disa ngjarje në kryeqytet.
Në foton poshtë Martinaj është personi që mban dorën në qafën e Enton Nikës në krahun e djathtë të fotografisë. Pak minuta më pas, Nika mbeti i vrarë nga plumbat e pistoletës.
Për këtë ngjarje Martinaj u arrestua dhe u akuzua për moskallëzim krimi. Autori kryesor i kësaj ngjarjeje, Emiljano Tasho, u akuzua për vrasje dhe u dënua me 14 vite burgim, ndërsa Martinaj dhe të tjerët morën pafajësi me vendim të formës së prerë nga gjykata.
Martinaj ka qenë pronar i disa pikave të basteve dhe kazinove dhe është përmendur në 2016 për disa konflikte për shkak të këtij aksioni.©Lapsi.al
