Deputeti i PD-se, Luçiano Boçi, thotë se vetëm revoltat popullore kundër Edi Ramës mund të ndalin rrënimin e vendit dhe fillimin e ndërtimit të një jete e rendi social dinjitoz, të mbështetur mbi parime, vlera e norma morale e politike.
Duke folur për Gazetën Shqiptare, Boci shton se trysnia dhe kërkesa qytetare për revolta masive sa vjen e shtohet. Ai apelon se koha nuk pret dhe nëse refuzohet vetingu në politikë dhe paketa antimafia, opozita do të zbresë në sheshet e Shqipërisë.
Po kështu deputeti i Elbasanit, paralajmëron se: “Njëkohësisht jemi gati për çdo betejë e përdorimin e çdo mjeti që çon në zgjidhjen e emergjencës kriminale, e lidhur me largimin e domosdoshëm të Ramës, nëse ai refuzon t’i lerë vendin një qeverie antimafia”.
