Vazhdon momenti "jo" për Real Madrid, që pas humbjes në Ligën e Kampionëve kundër CSKA Mosca këtë mbrëmje është rrëzuar edhe në La Liga, 1-0 ndaj Alaves, (madrilenët nuk shënojnë në kampionat për 270 minuta). Ndërkohë që Deportivo Alaves arrin fitoren e parë ndaj Real Madrid që nga sezoni 1990-2000.
Në pjesën e parë merengues, të rreshtuar me 4-4-2 me Bale, Ceballos dhe Benzema në fushë, ndër të tjerë, tentojnë portën e Pacheco, por përpjekjet e ndryshme të Benzema, Bale dhe Nacho vuajnë nga saktësia dhe një ritëm shumë i ngadaltë.
Ritmi i ndeshjes nuk ndryshon as në pjesën e dytë, por pak nga pak të zotët e shtëpisë arrijnë të kundërsulmojnë dhe të dalin më shpesh nga ana e Courtois me Duarte, Calleri dhe Wakaso. Lopetegui fut Mariano Diaz për Benzema dhe Asensio për Casemiro (më të rrezikshmi për Real në fillim të pjesës së dytë), por gjërat nuk ndryshojnë.
10 minuta nga fundi dëmtimi i radhës për Bale, i cili i hap rrugë Vinicius Junior. As hyrja e brazilianit energjik nuk sjell efektet e pritura, dhe me kohën shtesë vjen goditja me kokë e Manu Garcia që ju dhuron një tjetër mbrëmje të hidhur kampionëve të Evropës në fuqi.
https://www.youtube.com/watch?v=ac3PcZJ_0bw
