Real Madrid humbi ndaj Alaves duke mbyllur ndeshjen e katërt radhazi pa shënuar asnjë gol, por pas takimit të së shtunës Sergio Ramos ka mbrojtur ekipin dhe Lopetegui.
"Të ndryshojmë trajnerin? Janë të tjerë që marrin vendime - tha kapiteni - por unë nuk e di se çfarë të mire do të na sillte ndryshimi i teknikut. Do të ishte çmenduri. Ndonjëherë shërben për diçka dhe herë të tjera jo. Por nuk është diçka që varet nga lojtarët - shtoi ai - kushdo që e mendon Real Madrid "të vdekur", e ka kuptuar keq. Duhet durim. Dhe ne jemi të parët që jemi të zemëruar".
