Pas një sezoni të jashtëzakonshëm, më i miri në karrierë, e që bëri që Real Madrid ta shihte si zëvendësuesin e Luca Modric, nëse kroati do të largohej, Christian Eriksen po vuan një dëmtim që po e mban jashtë fushave të lojës për një kohë të pacaktuar.
Mbi situatën shqetësuese të mesfushorit të Tottenham ka folur tekniku i Danimarkës Age Hareide, për Canale 9, në ditën e grumbullimit të përfaqësueses për miqësoren me Austrinë e ndeshjen kundër Irlandës, për Ligën e Kombeve: “Christian vuan nga një lëndim i muskujve abdominale. Tottenham na ka informuar se bëhet fjalë për një problem shumë serioz që mund të bëhet edhe kronik”.
Eriksen nuk ka luajtur për shkak të dëmtimit në ndeshjet e fundit të Spurs, përfshirë edhe atë të Champions kundër Barcellona: “E kuptuam se kishte dicka që nuk shkonte që kur e pamë se nuk luajti kundër Cardiff e Barcellona – shtoi Hareide – Nuk di të them se kur Eriksen do të kthehet në dispozicion, për këtë duhet folur me stafin mjekësor. Shpresojmë që ky dëmtim enigmatik i lojtarit të zgjidhet sa më shpejt sepse në nëntor kemi ndeshje të rëndësishme”.
