Ilir Boriçi u vu sot në pranga nga policia në kuadër të operacionit ‘Forca e ligjit’ në Fier.
42-vjeçari është pjesë e grupit të quajtur “Boriçët”, grup me precedent kriminal kryesisht në fushën e krimeve kundër njeriut.
Pas arrestimit te tij janë siguruar detaje rreth precedentëve penale ndaj Boriçit, i cili është arrestuar nga Policia 5 herë për veprat penale “Tentativë vrasje”, “Kanosje”, “Shkatërrim prone” dhe “Armëmbajtje pa leje”. 42-vjeçari ishte në masën “Detyrim paraqitje” për veprën penale “Armëmbajtje pa leje”, “Kanosje” dhe “Shkatërrim prone”.
Veprat penale për të cilat është dënuar Boriçi, në periudha të ndryshme
-Në vitin 1999 ai u arrestua për “Shkëmbim zjarri”, “Tentativë vrasje” dhe “Armëmbajtje pa leje”.
-Në vitin 2008-2011 ka vuajtur dënimin në burgun e Milanos për veprën penale “Shfrytëzim prostitucioni”.
-Në 11.11.2013 është arrestuar në flagrancë për veprën penale “Armëmbajtje pa leje” dhe është dënuar me 4 vjet e 8 muaj burg.
-Në 22.06.2017 është arrestuar për veprat penale “Armëmbajtje pa leje”, shkatërrim prone”, “Kanosje” dhe “Prishje të rendit dhe qetësisë publike”. Në Seman ka qëlluar me armë dhe ka shkatërruar lokalin e shtetasit A. C.
Pavarësisht të gjithë këtyre dënimeve për një sërë veprash penale, 42-vjeçari ka kryer vetëm tre ditë burg dhe më pas Gjykata ka caktuar ndaj tij masën “Detyrim paraqitje”. Kujtojmë se sot nga kontrolli i ushtruar në lokalin në lagjen “8 Shkurti” në Fier, Boriçit iu gjetën 2 armë zjarri pistoletë dhe një shpatë.
