Po shkon keq e më keq për Gjermaninë e Joachim Low. Pas Botërorit më të dobët të historisë, Panzerat shkatërrohen në Ligën e Kombeve përballë Hollandës 3-0, në kohën kur pothuaj të gjithë favoritët fitojnë ndeshjet e tyre.
Gjermania reziston vetëm 30 minuta lojë, në të cilat kishte mundësinë të gjente edhe avantazhin. Atë që nuk e bëri skuadra e Loë e bënë Tulipanët, që goditën në momentin e duhur me Van Dijk. Mbrojtësi më i shtrenjtë i historisë vetëm sa hapi serinë e golave për Hollandën.
https://cdnja.r.worldssl.net/mp4/xm/XmG3.mp4
Gjermania për të mos dalë nga gara pas dy ndeshjesh la hapëira që i shfrytëzoi kundërsulmi tipik hollandez, finalizuar me elegancë nga Depay. Goli i tretë i Wijnaldum ishte më tepër vrasës moral, në kohën kur rezultati ishte vendosur. Tani Low rrezikon jo pak, me skuadrën e renditur në vendin e fundit me vetëm 1 pikë, ndërsa Franca kryeson me 4 pikë e ndjekur nga Hollanda me 3.
https://cdnja.r.worldssl.net/mp4/ok/OkXo.mp4
Republika Ceke fitoi me përmbysje në Sllovaki. Nuk mjaftoi goli i Hamsik, sepse në lojë për cekët u fut Schick që shënoi golin e fitores, që e vendos kombëtaren e tij në ndjekje të Ukrainës që ka pikë të plota pas dy ndeshje në Grupin B1. Sfida e vetme e mbyllur në barazim në mbrëmjen e sotme të Ligës së Kombeve është ajo në Dublin mes Irlandës dhe Danimarkës në Grupin B4, ndërsa në Ligën D, Maqedonia mund të jetë problemi i vetëm për Kosovën në rrugën drejt kualifikimit për Euro-2020. Maqedonasit kanë thyer 4-1 Liehtenshtein dhe janë me pikë të plota pas 3 ndeshjeve të para.
REZULTATET E NDESHJEVE
UEFA Nations League - League A: grupi 1
Hollande 3 - 0 Gjermani
UEFA Nations League - League B: grupi 1
Sllovakia 1 - 2 Republika Çeke
UEFA Nations League - League B: grupi 4
Irlande 0 - 0 Danimarke
UEFA Nations League - League C: grupi 3
Norvegji 1 - 0 Slloveni
Bullgari 2 - 1 Qipro
UEFA Nations League - League D: grupi 1
Gjeorgji 3 - 0 Andora
Letonia 1 - 1 Kazakistan
UEFA Nations League - League D: grupi 4
Armenia 0 - 1 Gjibraltar
FYR Maqedonia 4 - 1 Liehtenshtein
