Në debatin me gazetarët në “Dritare”, kur nuk ia doli t’i kundërshtojë me fakte dhe argumenta për çështjet e krimit, kanabisit, "Xhisielës" etj, Edi Rama nisi të bërtasë duke përsëritur në pak sekonda për 14 herë rresht, fjalën “shpifje”.
Gazetarët ia vunë disa herë në dukje, se me këtë shpërthim nervash, Rama po tejkalonte normat e një sjelljeje normale, por sërish kryeministri nuk u ndal.
Kjo mënyrë përballjeje në televizion, është e ngjashme, në mos një imitim i shfaqjeve publike që i bën shpesh një miku i tij italian, Vitorio Sgarbi, një nga personazhet më kontroversë të jetës publike në Itali. Madje Sgarbi e ka pranuar në shumë intervista TV se kjo mënyrë skandaloze të qeni e ka ndihmuar më shumë për të tërhequr prozhektorët mbi veten sesa profesioni i tij real i kritikut të artit.
Sgarbi, një kritik arti dhe politikan, i famshëm për sherret, sharjet, banalitetet dhe konfrontimet ndonjëherë fizike në studiot televizive të Italisë ishte disa muaj më parë në Tiranë, i ftuar nga Rama në zyrën e tij në kryeministri. Më pas, Sgarbi e shoqëroi Ramën në promovimin e librit Kurban në panairin që u zhvillua në Itali. Për të parë ngjashmërinë në reagimin mes të dyve, Lapsi.al ka vënë bashkë në një video shpërthimet e nervave të secilit prej të dyve.
https://www.youtube.com/watch?v=CWOMDAMUipo&feature=youtu.be
https://www.youtube.com/watch?v=3Ha7y_zNZKQ
https://www.youtube.com/watch?v=86LktUvhK-w
