Parlamenti i Kosovës votoi një ditë më parë ligjet për transformimin e Forcës së Sigurisë së Kosovës në Ushtrinë e Kosovës. Sot partia Lista Serbe, ka paralajmëruar ankesë në Gjykatën për këto ligje të miratuara në parim.
“Ne si Lista Serbe do të paraqesim ankesë në Gjykatën Kushtetuese, por nga përvoja e kaluar asgjë nuk do të ndryshojë”, deklaroi Igor Simiç, deputet i Listës Serbe.
Ai ka thënë se institucionet kosovare veprojnë gjithmonë njësoj kur marrin ndonjë kërkesë ose ankesë nga Lista Serbe ose serbët që sipas tyre e refuzojnë pa arsye dhe sqarim.
