Një futboll që ndryshon dhe që po bëhet gjithmonë e më social, në qendër të të cilit janë tifozët dhe lojtarë, ndërsa skuadrat në plan të dytë. Janë fjalët e Arsene Wenger, që ka rrëfyer përshtypjet e tij në një intervistë për Bild: "Në pesë vitet e ardhshme zëvendësimet e një ndeshje mund të vendosen në rrjetet sociale, ndoshta do të ketë edhe një votim në pushimin e ndeshjes për të vendosur se cilët lojtarë do të qëndrojnë në fushë dhe cilët do të zëvendësohen në pjesën e dytë".
Ish-trajneri i Arsenal i ka idetë e qarta për atë që mund të ndodhë: "Pushteti i klubeve vetëm do të dobësohet. Ja pse krerët e shoqërive duhet të jenë më të fortë, për të fituar sfidën kundër influencave të jashtme.
Në verë ishte i bujshëm dhe emblematik kalimi i Ronaldos te Juventus, për të cilin Wenger kishte thënë: "Nëse CR7 lë Real Madrid për Juventus, tifozët e tij do ta ndjekin në Itali. Publiku ndërkombëtar është më i interesuar për lojtarët se sa për klubet. Kjo i jep shumë pushtet lojtarëve. Neymar ka 170 milionë ndjekës. Vetëm ai është shumë më i fortë se i gjithë kampionati francfez".
