Barcelona fiton, por ky fakt nuk e zbeh aspak humorin e keq të Arturo Vidal, që ka përjetuar një tjetër ndeshje në pankinë. Valverde ishte i qartë, mesfushori duhet ta fitojë vendin në fushë dhe reagimet e tij ndaj vendimeve të teknikut nuk i kanë pëlqyer. Kështu, edhe kundër Sevilla, kileni e ka mbyllur ndeshjen aty ku e filloi.
Sipas asaj që raporton Marca, Vidal nuk e ka fshehur pakënaqësinë e tij, sidomos edhe pas zëvendësimeve të bëra nga Valverde. Një mesazh i qartë për mesfushorin. Zëvendësimi që pasoi golin e Luis Suarez flet vetë: del Arthur, edhe ai i blerë në verë por shumë më iaktivizuar se Vidal, dhe futet…Sergi Roberto.
Një mbrojtës krahu i adaptuar si mesfushor e për më tepër që vinte nga dëmtimi, në vend të një futbollisti që u ble për ti dhënë tjetër forcë mesfushës katalanase. Një goditje e rëndë për Vidal, që nuk arriti të luante as për një pjesëz loje, gjë që e bëri të heqë tërësisht mendjen nga ndeshje dhe …të marrë një sy gjumë. Vidal është kapur nga telekamerat me sy mbyllur në pankinë, plotësisht i pa interesuar për ndeshjen. Situatë kjo që nuk do të kalojë pa zhurmë. Deri tani, asnjë postim në rrjetet sociale si ka urdhëruar Valverde. Por sa do të zgjasë paqja?
