Cristiano Ronaldo është pritur nga një turmë tifozësh në kthimin e tij në Manchester për ndeshjen e të martës në mbrëmje për ndeshjen e Champions League mes United e Juventus.
Kampioni portugez ka kaluar 6 vjet të mrekullueshëm në Old Trafford, përpara se të largohej tek Real Madrid. Tifozët e United nuk e kanë harruar idhullin e tyre dhe një turmë e vërtetë e ka pritur në aeroportin e Manchester, kur Ronaldo preku tokën e njohur.
CR7 ka patur nevojë për një eskortë të madhe policie për të kaluar përmes turmës, për tu shoqëruar më pas në Old Trafford për seancën stërvitore, ku portugezi është dukur i lumtur bashkë me shokët e tij të rinj të skuadrës.
Ylli i Juventus ka kujtime të bukura në Teatrin e Ëndërrave dhe sigurisht mendimi i tij i vetëm është të zërë faqet e para të gazetave në ndeshjen e madhe, gjë që e tregon qartë edhe në konferencën për shtyp: "Juventus është një skuadër e forte, e mendoj se do të jetë një ndeshje e bukur e që do të fitojë Juventus, me gjithë respektin për Manchester që është një skuadër e madhe".
