Zëvendësministri i Brendshëm Besfort Lamallari ka hedhur poshtë zërat se operacioni për arrestimin e 27 personave gjatë aksioneve në fundjavë në disa rrethe të vendit, u dekonspirua. Lamallari tha se të angazhuar në terren ishin rreth 1200 punonjës policie, ndërsa shtoi se hetimet u kryen në bashkëpunim edhe me partnerë të tjerë ndërkombëtarë. Teksa u pyet në lidhje me faktin nëse do të ketë apo jo arrestime të tjera, zv.ministri i Brendshëm tha se operacionit për goditjen e grupeve kriminale dhe ‘të fortëve’ do të vijojnë’.
“Nuk ka pasur dekonspirim të operacionit. Ka pasur përfshirje masive të policisë së shtetit. 1200 oficerë janë përfshirë, janë kryer mbi 1000 kontrolle. Çështje të tilla kanë vend për mbledhje provash”, tha Lamallari per News 24.
