Policia arrestoi një të ri në Kamëz, pasi gjatë një kontrolli në banesë i gjeti 14 kallëpë tritoli.
Policia njofton se është informuar në rrugë operative për të riun. Në pranga u vu 22-vjeçari Fatjon Leka, banues në "Fushë Arrëz" të Kamzës.
Gjatë kontrollit të ushtruar në banesën e këtij shtetasi, në oborr i është gjetur e fshehur një qese plasmasi brenda së cilës kishte 14 kallëpe të dyshuara si lëndë plasëse e llojit tritol.
I riu akuzohet për “Prodhim dhe mbajtje pa leje të armëve dhe municionit luftarak”.
