Për të fundit herë ish-ministri i Brendshëm, Fatmir Xhafaj ka shkuar sot në zyrë. Gazetarët e prisnin për t’i marrë prononcim, por ai refuzoi të jepte shpjegime për arsyet e dorëheqjes, duke u mjaftuar me një batutë.
“Kjo është hera e parë që vij kaq me vonesë në punë pasi kalova një mëngjes shumë të këndshëm me bashkëshorten dhe familjen time dhe sigurisht dhe me mbesën. Të dytët po ju takoj ju dhe më vjen mirë sepse kemi bashkëpunuar shumë mirë dhe ju jam mirënjohës për gjithë mbështetjen dhe çfarë kemi bërë së bashku”, ka thënë Xhafaj.
