Qē pas mbrëmjes së djeshme në “Xing me Ermalin”, në vëmendje të publikut është debati Tuna-Rudina Magjistari. Pas përgjigjes së Rudinës apo reagimit të Olti Currit, vjen dhe një koment nga drejtuesi i emisionit që nisi gjithçka, Ermal Mamaqi. Ai ka shpërndarë në Instagram një foto të Tunës ku ajo ka shkruar për atë që ajo përfaqëson dhe përkrah në klipin “Chonga”. Këtë ai e ka shoqëruar me deklaratën e mëposhtme:
“Pashë histerinë e atyre që duan të shohin vetëm njerëz në kornizë,të rrinë drejtë,të flasin të shtirur, të mos qeshin shumë dhe nuk e durojnë dot një artist që të lëshojë pak veten. Por kjo është Tuna, nuk e kursen kurrë veten si në performanca artistike, si në raportin me publikun, dhe në fund është shumë më e vërtet se ata që nëpër emisione japin vetëm përgjigje për të ruajtur imazhin. Personalisht unë e shijova shumë… edhe çifti e shijoi. Edhe ju që bëni moral e shijuat më shumë, meqë siç e tha dhe Tuna jeni më të interesuar në hallet familjare të personazheve se sa në karrierën e tyre. Ama keq kur i fshehin, e keq kur ua shuajnë kuriozitetin. Gabimi i vetëm i Tunës është që duke e ditur që gjithmonë figura e femrës masakrohet dhe fajësohet për të gjitha problemet familjare, ajo nuk ka frike! Nuk perpiqet të manipulojë publikun duke u shtirur, por të çarmatos me sinqeritetin, edhe atëherë kur thotë me zë gjêra qe guxojmë ti mendojmë vetëm në fshehtësi. Uroj të kem në emision më shume të ftuar të tillë!” Në këtë mënyrë, ai në një farë mënyre “i ka dalë në mbrojtje” të ftuarës së tij duke e përgëzuar për faktin se është “e vërtetë”.
