Më 30 tetor, të martën e kësaj jave, ish-ministri i Brendshëm, Saimir Tahiri, festoi përvjetorin e tij të 39-të. Një ditëlindje e festuar në një resort në periferi të Tiranës, me rrethin e tij më të ngushtë ku binin në sy ish-pjesëtarë të stafit të tij kur mbante postin e ministrit dhe njerëz që gjenden pranë tij edhe tashmë që është pa post. Kishte aty gazetarë, politikanë (edhe të mazhorancës), ish-drejtues policie dhe familjarë.
Kjo ditë korrespondoi edhe me daljen e vendimit të prokurorisë së Antimafias italiane e cila pushoi hetimet ndaj ish-ministrit. Dy gëzime në një ditë. Në pjesën më të madhe të kohës, Saimir Tahiri ka qëndruar në ballë të festës, duke kënduar krah artistëve, Eneida Tarifa, Sidrit Bejleri dhe Eranda Libohova.
Në një video të publikuar nga portali “Real Neës”, shihet teksa ish-ministri këndon me dy këngëtareve një këngë të Vaçe Zelës. Dy ditë pas festës që zgjati deri në orët e para të mëngjesit, Tahiri doli në një konferencë për shtyp dhe më pas u pa në studion e “Opinion” ku zëri i tij linte për të dëshiruar.
[video width="640" height="360" mp4="https://cdnimpuls.com/lapsi.al/wp-content/uploads/2018/11/tahiri.mp4"][/video]
