Një shqiptar dehe një italian janë arrestuar nga Guardia di Finanza në komunën Belpasso të Catanias pasi iu gjetën mbi 140 kilogramë marijuanë, të fshehura brenda kamionit dhe në një banesë.
Agjentët e GDF panë daljen e kamionit nga një shtëpi e veçuar, e dyshuar si vend për ruajtjen e substancave të ndaluara, dhe urdhëruan shoferin të ndalonte.
Shqiptari nuk iu bind urdhërit dhe tentoi të largohej duke goditur murin me kamion për të marrë arratinë nëpër fusha, por u ndoq dhe arrestua në Piano Tavola të Belpassos.
Në kamion u gjetën gjashtë pako me rreth 23 kilogramë marijuanë.
Kontrolli në shtëpi solli zbulimin e 30 pakove të tjera me 119 kile marijuanë. Shqiptari përfundoi në arrest, ashtu si dhe katanezi, pronar i shtëpisë.
