Unioni i Komoreve ka tërhequr njohjen e pavarësisë së Kosovës. Lajmi është dhënë nga Ministri i Jashtëm serb, Ivica Daçiç.
Daçiç tha në një konferencë shtypi me Ministrin e Punëve të Jashtme dhe Bashkëpunimin Ndërkombëtar të Unionit të Komoreve, Suef Mohamed El-Amin, se ky shtet është vendi i dhjetë që tërhoqi njohjen.
Ministri i Jashtëm i Serbisë njoftoi më herët se ai pret që një vend tjetër të tërheqë njohjen e pavarësisë së Kosovës.
Unioni i Komoreve është një republikë shtetërore, e vendosur në pjesën veriore të Kanalit të Mozambikut në bregun lindor të Afrikës ndërmjet Mozambikut verilindor dhe Madagaskarit veriperëndimor.
