Një lokal në fshatin Xhyrë në Librazhd është shkrumbuar pothuajse tërësisht gjatë orëve të mëngjesit nga një zjarrvënie që dyshohet se ka qenë e qëllimshme.
Ngjarja ka ndodhur rreth orës 04.15 të mëngjesit të kësaj fillim jave.
Të njëjtat burime bënë me dije se lokalit që ndodhej në bregun e rrjedhës së lumit Shkumbin, pranë rrugës kombëtare Librazhd-Xhyrë, i është vënë zjarri duke përdorur lëndë djegëse.
Nga hetimi paraprak dyshohet se mund të kenë qenë disa persona të përfshirë në zjarrvënien me pasojë djegien e lokalit në pronësi të shtetasit Skënder Gega.
Policia po heton për identifikimin e autorëve të dyshuar të kësaj ngjarjeje.
