Edi Rama ironizoi sulmet e opozitës për heqjen e shqpionjës nga sheshi me të njëjtin emër. Ai komentoi edhe deklaratën e tij ditën e djeshme, ku e cilësoi shqiponjën që u vendos për 100-vjetorin e pavarësisë në sheshin e në hyrje të Tiranës, si 'vulgaritet të ngritur në piedestal'.
Statusi i Ramës:
“Kadriu ati, biri dhe shpirti katran, paskan marrë në mbrojtje nga unë shqiponjën e flamurit, ndërsa unë kam folur për shfytyrimin vulgar të asaj shqiponje, të shkulur nga flamuri e të ngulur mu në hyrje të Tiranës prej kadrinjve pa din e iman, që nga shëmtia u vjen e tërë kënaqësia?”, shkruan Rama.
Kujtojmë se ditën e shtunë simboli i pavarësisë u hoq nga vendi ku qëndronte që prej nëntorit të vitit 2012, vendim ky që solli reagime dhe përplasje deklaratash në distancë mes Ramës, Bashës dhe Berishës. Dje Rama reagoi për herë të parë, ndërsa shkruante në rrjetet sociale se kurrë vulgariteti s’kishte hipur me më shumë prepotencë në një piedestal si në rastin e ‘Shqiponjës’.
Statusi i Ramës dje:
"Kurrë vulgariteti s’kishte hipur me më shumë prepotencë në një piedestal, se sa në rastin e kësaj “shqiponje” në mesin e një skenografie pseudoklasike prej hyrjeje në kazino, që natën e bënte hyrjen e Tiranës si skenën e një filmi nga një tregim i Edgar Alllan Poe-s! Më në fund."
Lexo më tej nga Lapsi.al:
(VIDEO&FOTO) Hiqet Shqiponja nga sheshi, reagon shpër Sali Berisha
Basha-Ramës: Kur ke simbol hashashin, Shqiponja të duket vulgare
Heqja e ‘Shqiponjës’, Rama i përgjigjet Bashës: Artist, shiko veten!
