Pas dekretimit të lirimit të Sandër Lleshit si gjeneral, presidenti Ilir Meta është takuar me kreun e Kuvendit, Gramoz Ruçi. Mësohet se takimi Ruçi-Meta po zhvillohet në Hotel Tirana.
Këtë të premte është afati i fundit 7 – ditor që parashikon Kushtetuta për Metën për dekretimin e Sandër Lleshit në postin e ministrit të Brendshëm.
Në mëngjes Meta deklaroi se do t’i japë kohë vetes deri në mbrëmje në lidhje me vendimin e dekretimit ose jo të Lleshit.
Por lirimi i Lleshit si gjeneral i hap rrugë të marrë me dekret postin e ministrit të Brendshëm pasi statusi i tij si ushtarak ishte bërë deri tani pengesë për dekretimin nga Meta.
Bie në sy që Meta nuk takoi Ramën për këtë çështje, por pasardhësin e tij në krye të Kuvendit, Ruçi. ©LAPSI.al
