Presidenti Ilir Meta vazhdon të luajë me nervat e mazhorancës pasi po e çon për herë të dytë në limite dekretimin e Sandër Lleshit si ministër të Brendshëm. Herën e parë, ai hodhi poshtë propozimin e Ramës duke u shprehur se “nuk kishte krijuar bindjen e plotë”.
Tani që ka marrë edhe një letër nga Lleshi i cili heq dorë nga karriera si ushtarak ende nuk po vendos për ta dekretuar megjithëse e premtja është dita e fundit e afatit 7-ditor që lë Kushtetuta.
I pyetur nga gazetarët, Meta ka dhënë këtë përgjigje: “Kemi kohë deri në darkë kur të komunikoj me gazetarin Arjan Çani. Tani po shkoj në zyrë”, - është shprehur presidenti për gazetarët. ©LAPSI.al
