Gjykata e Apelit vendosi të lerë në arrest me burg pa afat biznesmenin Ervis Martinaj.
Treshja gjykuese kryesohet nga gjyqtari Hysni Demiraj ka hedhur poshtë vendimin e Gjykatës së Tiranës e cila kishte vendosur për herë të dytë ndaj tij, masën e arrestim burg me afat 30 ditor ndaj Martinajt.
Ndaj Ervis Martinajt rëndojnë akuzat e pastrimit të produkteve të veprës penale, falsifikimit të dokumentave, fshehjes së pasurisë, dhe organizimit të lojërave të paligjshme. Këto akuza ka ngritur Prokuroria për Martinajn.
Martinaj u arrestua pas ngjarjes së muajit të kaluar në ish-bllok, ku një mik i tiji mbeti i vdekur ndërsa një tjetër u plagos, pas një përplasjeje me armë me shtetasit Ervin Mata dhe Mervjol Billo. Këta të fundit janë ende në kërkim nga policia.
