Banorët e zonës së ‘Astirit’ kanë vijuar protestën e tyre edhe sonte për të 17-ën ditë me radhë. Në mbështetje të tyre kanë shkuar dhe aktivistë të shoqërisë civile dhe artistë që kanë marrë pjesë gjithashtu në protestat kundër shembjes së Teatrit Kombëtar.
Aktori Neritan Licaj kërkoi nga banorët që të mos tërhiqen, pasi asgjë nuk kanë cfarë ju bëjnë. Ai tha se Rama është një diktator në tentativë, por shumë shpejt do hajë kokën.
“Mos u tundni nga vendi se nuk kanë çfarë t’ju bëjnë. Kemi të bëjmë me një pushtet anti kombëtar. Rama është një diktator në tentativë, por shumë shpejt do hajë kokën. Do i mblidhemi tek Kryeministria dhe do flasë si Rikardi i tretë ‘një kalë, një kalë’. Qëndroni se asgjë nuk kanë për t’ju bërë. E kanë ditën e shkurtër”- tha aktori Neritan Licaj.
