Megjithëse është futur në kuvend falë listave të PD dhe jo votave të veta. Fatmir Mediu nuk qëndron dot gjatë jashtë kuvendit. Edhe pse e ka mbështetur bojkotin e opozitës, kreu i Partisë Republikane, thekson se prania e opozitës në Kuvend është e nevojshme, për t’u dhënë shpresë qytetarëve, “Opozita duhet të jetë në Parlament për të ndërtuar shpresën e këtij vendi. Duhet t’i kthejmë besimin shqiptarëve. Qëndrimi ynë aktual ka të bëjë me disa çështje që e kanë të nevojshme këtë vendim. Por personalisht mendoj se duhet të jemi në Kuvend”, u shpreh Mediu ne 'Top Talk' në Tch, duke theksuar se kjo s'ka të bëjë me emrat që janë në Kuvend, por me përfaqësimin e njerëzve që besojnë tek opozita. Prej disa muajsh deputetët e opozitës, po bojkotojnë Kuvendin, e po shkojnë në limite të djegies së mandateve, duke e kushtëzuar praninë në Parlament me vettingun në politikë.
