Lëvizja Socialiste për Integrim ka bashkuar votat me Partinë Socialiste në Këshillin Bashkiak të Elbasanit për të miratuar paketën fiskale të vitit 2019.
Edhe pse është kundërshtuar nga këshilltarët e djathtë, përsëri paketa fiskale u miratua me shumicë votash. Demokratët e justifikuan votën “kundër” për shkak të taksës së pronës e cila, sipas tyre, rëndon xhepat e qytetarëve.
Partia Socialiste e konsideroi politik qëndrimin e demokratëve pasi, sipas të majtëve, taksat dhe tarifat vendore në Bashkinë e Elbasanit janë pothuajse të pandryshuara prej 12 vitesh dhe përherë janë miratuar në unanimitet.
Me bashkimin e votave PS dhe LSI, paketa fiskale u votua me 27 vota “pro” dhe 11 “kundër”.
