Karim Benzema është kaq i spikatur saqë edhe tifozët më të rinj të Real Madridit njohin vetëm francezin si numrin 9 të klubit merengues. Francezi mban përgjegjësinë e rëndë të këtij numri në supet e tij që nga data 29 gusht 2010 deri më sot, me të gjitha kritikat që shoqërojnë një pozitë të tillë në një nga klubet më të mëdhenj në botë.
Karim Benzema ka 3007 ditë që mban veshur fanellën me numrin e famshëm. Asnjë numër tjetër 9 i historisë së Real Madrid nuk e ka veshur këtë fanellë më shumë se sulmuesi francez. Në fillim të shekullit, ishte Fernando Morientes i cili mbajti nr.9 për herë të parë duke e trashëguar nga Davor Suker, i cili e kishte veshur për tre vjet.
Është legjendari Ronaldo Nazario i cili më pas e rikuperoi nr.9 dhe e mbajti 130 ndeshje duke shënuar 72 gola. Një tjetër Ronaldo, Cristiano, gjithashtu e ka mbajtur 9 kur erdhi te Real, ndërkohë që nr.7 e mbante kapiteni legjendar Raul. Cr7 shënoi 33 gola në 35 ndeshje, me 9 në supet e tij.
