Pas ish-kapitenit të Kombëtares, Lorik Cana, një tjetër personazh i jetës publike iu bashkua Lëvizjes Kombëtare për Lexim, nismë e ndërmarrë nga Ministria e Kulturës. Gazetarja Rudina Xhunga ka zgjedhur të lexojë një pjesë nga Përrallat e Pitilushes. Videon teksa Xhunga po lexon përralla e ka publikuar ministrja Mirela Kumbaro. Lëvizja Kombëtare për Lexim ka në fokus fëmijët nga mosha 0-14 vjeç dhe edukimin e leximit që në fëmijëri. LKL do të shtrihet në gjithë vendin. Synimi është të zgjerojë radhët e lexuesve dhe të përfshijë gjithashtu pushtetin vendor në pasurimin e bibliotekave me libra të rinj.
