Pas mbledhjes së përbashkët të qeverive të Kosovës dhe Shqipërisë kryeministri Edi Rama ka dhënë në Pejë një shfaqje që në Tiranë për fat të keq është bërë e zakonshme. Kreu i qeverisë shqiptare sulmoi gazetarin e Klan Kosova, Besnik Tahiri i cili pyeti kryeministrit Ramush Haradinaj për votimin e demarkacionit. Pyetja e gazetarit e nervozoi Edi Ramën.
“Z. Haradinaj a jeni penduar qe e keni votuar demarkacionin, sepse siç edhe Rama e përmendi, ka qenë gabim?”, - ishte pyetja e gazetarit.
Reagimi i Ramës ishte i shpejtë: “Ku e dëgjove se unë thashë që është gabim. Ku e dëgjove që thashë ashtu, unë jam këtu. Shko në kazan thuaje këtë, jo këtu para meje. Po deshe eja më prek nëse do me pa a jam i gjallë”, - i tha Rama gazetarit.
Deklarata e Ramës për korrigjimin e kufirit ishte: “Na takon të gjithëve që të ulemi të diskutojmë dhe ta shikojmë të ardhmen në mënyrë të qartë dhe strategjike. Nuk mund të vazhdohet historia e një dialogu që ecën me fotografi e takime, por që nuk gjen zbatim në raportin konkret të bashkëjetesës mes shqiptarëve dhe serbe në tokën e rajonit tonë”.
Përveç kësaj Rama u kërkoi gazetarëve të Kosovës t’i kërkojnë famjle ministrit shqiptar të financave Arben Ahmetaj.
“Duhet të pendoheni ju për të gjithë sulmet e padrejta që i keni bërë ministrit. Ministri nuk ka pse të pendohet për ato që ka thënë”, - përfundoi Rama.
