Një shqiptar i quajtur “Abu Usama Al-Albani”, komandant i ISIS, është vrarë gjatë një shkëmbimi zjarri me “Forcat Demokratike të Sirisë” pranë qytetit të Hajin, në fshatin juglindor të Deir Ezzor.
Prej raportimit të medias www.almasdarnews.com, mësohet se komandanti i Daesh, po mbronte në front forcat islamike të ISIS në Eufrat, në luftë kundër forcave demokratike siriane.
Ende nuk ka informacione të hollësishme në lidhje me identitetin e viktimës.
Një vit më parë, një tjetër djalë shqiptar i rritur në Zvicër, i njohur tek forcat e ISIS si “007 e Ballkanit” u vra gjatë një sulmi ajror të bforcave të SHBA-së.
26 vjeçari luante rolin e agjentit sekret për çështjet e ISIS në Ballkan.
Orhan Ramadani i njohur si “007 e Ballkanit” është vetëm një prej të rinjve të vrarë, të dërguar me mision në këtë organizatë ekstremiste.
Ndërsa 4 vite më parë numri i viktimave me origjinë shqiptare të dërguar në ISIS ka qenë mbi 40, deri më tani ku numër është shumëfishuar.
©Lapsi.al
