Autoritetet shqiptare kanë lënë jashtë kufirit një numër të madh personash që kërkonin të vinin nga Greqia, për ceremoninë përkujtimore të “heroit të tyre” të rënë në Bularat, Konstandinos Kacifas.
Nëna e Konstandinos Kacifas, me flamur grek në dorë, duke vajtuar të birin ka premtuar se do të marrë hak për të.
“Do të vras Edi Ramën. Më mori trimin tim. Do të ta marr unë gjakun biri im,”- është shprehur ajo.
E motra e Kacifas kërkoi që dikush të mbajë përgjegjësi për atë që ka ndodhur, ndërsa kunati i tij i bëri thirrje kryeministrit Rama dhe Cipras që të qetësojnë tensionet që po ndihen mes dy popujve.
"Turqia që po ndërhyn pa vend. Ne dhe Shqipëria jemi familje dhe e zgjidhim brenda nesh. S’ka nevojë për të tretë", tha Vangelis Sekellarakis.
