Ministri i ri i Brendshëm Sandër Lleshaj, emërimi i të cilit shkaktoi përplasje mes Presidencës dhe Kryeministrisë dha një intervistë për gazetarin Adi Krasta në News24 ku foli për karrierën e tij. Lleshi thotë se megjithëse nuk vjen nga karrierë partiake, ka mbështetje të strukturave.
“Mbështetjen e Partisë Socialiste e kam marrë përmes grupit parlamentar që ka votuar unanimisht për mua. Këtë mbështetje e kam”.
Karrierë në PS pas përfundimit të mandatit si ministër?
“Përgjithësisht nuk bëj plane të gjata personale. Mundohem të bëj plane të gjata institucionale, për institucionin ku unë punoj, që të jem sa më strategjik dhe larg pamës. në aspektin personal, preferoj që mos të bëjë plane të gjata. Ia lë shumë gjera një force tjetër, që besoj se na guidon (drejton red.) në jetën tonë. Si bëj këto planet personale të madhe" – tha Lleshi.
Me këtë përgjigje Lleshi të kujton deklaratën e bërë në Opinion pak pasi u propozua nga Rama ku tha se ndodhej aty ku ishte për shkak të dëshirës së kryeministrit. Mesa duket edhe vijimin e karrierës Lleshi e ka lënë në dorë të shefit të tij. ©LAPSI.al
