Prej më se 5 muajsh opozita nuk e shkel sallën e Kuvendit,, por këtë të enjte ka vepruar ndryshe. Kauza e studentëve i ka kthyer ata në seancën plenare. Një përfaqësi nga Partia Demokratike dhe nga Lëvizja Socialiste për Integrim kanë shkuar në sallë. Të pranishëm në sallën e Kuvendit janë deputetët e PD-së Ervin Salianji, Izmira Ulqinaku, Valentina Duka dhe Luçiano Boçi. Nga LSI janë në sallë Petrit Vasili, Luan Rama, Kejdi Mehmetaj dhe Floida Kërpaçi. Jashtë sallës së Kuvendit ndodhen mijëra studentë që bëjnë thirrje për plotësimin e 8 kërkesave të tyre. Me shumicë votash kuvendi rrëzoi propozimin e LSI për të ndryshuar rendin e ditës dhe për të futur propozimin e LSI për të ndyshuar buxhetin.
