Në fjalën e tij në parlament kryeministri Rama nuk la pa sulmuar edhe kryetaren e LSI-së, Monika Kryemadhi. “Monikës do t’i ikë doktoratura dhe do t’i mbetet vetëm çizmja”- tha Rama, por e ashpër ka qenë përgjigjja e Kryemadhit.
“Po të them diçka si Monikë. Kur hyre në politikë je fshehur pas emrit tim si një hije e errët, vazhdon të fshihesh pas emrit tim po prapë si një hije e errët, por do ikësh si kufomë politike, po prapë pas emrit tim si një hije e errët.
Po të them, tashmë që u ngritën institucionet e Drejtësisë, që mundohesh ti kapësh, do të ngrihet SPAK-u dhe Byroja e Hetimit, të cilat i pres me padurim të hetojnë aferën tënde të fundit, se nuk është kjo më korruptivja, por ke edhe të tjera.
Aferën tënde të fundit se si në xhepin tënd ke future 30 milion euro në një ditë, 18 milion euro të Unazës së Re nën emrin e Bashkim Ulajt, 12 milion euro prapë në emrin e Bashkim Ulajt me OST-në dhe po të them që do të ketë prapë e prapë të tjera dokumente se si ti bën evazion fiskal vetëm në një kompani nafte 60 milion euro”- tha Kryemadhi ndër të tjera. ©LAPSI.al
