Një nga emrat më të njohur në PD, Gazmend Oketa, ndonëse deklaroi se do të largohej prej politikës, është tërhequr prej këtij vendimi të nxituar.
Në një bisedë telefonike për emisionin “Kjo Javë”, Oketa deklaroi se zhvillimet më të fundit në vend e kanë kthyer sërish në politikë.
“Motivet që më bënë të rishikoj do të përpiqem t’i përmbledh shkurt. Së pari ishin zhvillimet politike në vend. Lëvizja e studentëve dhe protesta më ktheu besimin se mund të ndryshojë situata, protesta e banorëve të Astirit si dhe ajo e Teatrit Kombëtar. Unë besoj se mjafton të përmendim rastin e fundit të Unazës së Re, që nga buxheti do të avullonin 30 milionë euro. Miqtë e mi më të mirë janë tek e djathta. Këtë dite takimet me ta u shtuan”, tha Oketa.
