Kryeministri i Kosovës, Ramush Haradinaj është shprehur se Kosova ka të drejtë të mbrohet dhe se Serbia po bën propagandë sikur ushtria u krijua për ta përdorur kundër tyre.
“Kosova do të qëndrojë në të drejtën e saj për ta mbrojtur veten. Ushtria jonë vjen në paqe dhe propaganda serbe se Kosova do ta përdorë ushtrinë e saj kundër serbëve në Kosovë dhe fqinjëve, është e pabazë. Ushtria e Kosovës është moderne, multietnike dhe është rritur bashkë me partnerët tanë NATO-n e KFOR-in dhe do vazhdojë të qëndrojë në këto vlera”, u shpreh Haradinaj.
