Studentët, të ndarë në 4 grupe kanë bllokuar rrugët më kryesore në Tiranë, duke shtuar kështu trafikun. Vendosja e një pjese të tyre në rrethrrotullimin e "Zogut të Zi", ka sjellë bllokim të trafikut që në hyrje të Tiranës.
Makinat dhe autobusët e ardhur nga rrethet janë përballur me rradhët e gjata dhe vargun e makinave, duke mos ditur se për sa kohë mund të qëndrojnë të bllokuar.
Studentët, pas refuzimit nga kryeministri për realizimin e tetë pikave pa dialog, kanë zgjedhur ta përshkallëzojnë protestën në këtë formë duke ngrirë të gjithë lëvizjet në qytet.
