Kreu i PD-së Lulzim Basha ka përmendur disa herë ditët e fundit një plan sipas tij të kryeministrit Edi Rama dhe kryebashkiakut Erion Veliaj te Unaza e Madhe. Rama tha se plani i tyre është që pas prishjes së banesave të ndërtohen pallate. Por këtë të martë, Basha ka folur me emra.
“Nesër para qytetareve do të shpalosen me dokumente zyrtare se si Edi Rama dhe Erjon Veliaj ndryshuan planin urbanistik për ti dhënë leje një krimineli të dënuar me 21 vite burg për trafik droge, një personi i cili njihet si mik dhe bashkëpunëtor i kupolës sociale Edmond Bego”, - tha kryetari i PD nga “Unaza e Re”, ku banorët zhvilluan ditën e 45-të të protestës.
“Edmond Bego, për t’iu freskuar kujtesën qytetarëve është njeriu i cili në kundërshtim me ligjin, ndonëse i dënuar nga drejtësia italiane dhe vuajti një pjesë të dënimit këtu në Shqipëri, mori mbi 14 milion euro tenderë në rrugën e Elbasanit, në zonën elektorale me të cilin ka udhëtuar mbi 57 herë jashtë shtetit në 4 vitet e fundit.
“Nuk është para rastësi, por është provë e përfshirjes së Ramës dhe kupolës së tij, është pjesë e përgjegjësisë kriminale të Edi Ramës dhe Erjon Veliajt që shtëpitë e këtyre shqiptareve këtu, këtyre banorëve, të këtyre vogëlusheve këtu, do prisheshin që të ndërtonte pallate shumëkatëshe një person i dënuar për trafik ndërkombëtar droge për të pastruar paratë e drogës dhe për të ndarë kaparin me Edi Ramën, me Erjon Veliajn dhe me kupolën socialiste”, - shtoi Basha.
