“Më argëton shumë ky gjoja debati i partive të mëdha për Reformën Zgjedhore. Sidomos ajo pjesa kur e tregojnë me gisht dhe bëjnë sikur do t'i nxjerrin sytë njëra-tjetrës”. Kështu nis një koment i ish-nënkryetarit të Partisë Demokratike Astrit Patozi në rrjetet sociale. Duke përdorur ironinë me krerët e 3 partive më të mëdha në vend që duket sikur kanë rënë dakord që të mos e mbyllin këtë reformë.
“Është një betejë e ashpër që ka nisur në vitin 2015, por që nuk mbaron kurrë, se vijnë shumë shpejt votimet në Shqipëri. Në fakt, është e vetmja gjë në këtë botë, për të cilën të tre kryetarët e mëdhenj bien plotësisht dakord edhe duke mos folur kurrë me shoshoqin.
Me shumë gjasa nuk do të mbyllet as këtë radhë dhe mos u çudisni po të dëgjoni më vonë që reformë nuk pati për të respektuar protestën e studentëve. Njësoj si kthimi triumfalist në parlament këtë javë, fiks pas 6 muajsh bojkotimi heroik” – shkruan Patozi. ©LAPSI.al
